Latest Post

Zamin Se Pani Ka Chasma Nikalna | Mojza E Rasool ﷺ | Miracles of Prophet Muhammad ﷺ 


miracles of prophets, mojza in world, miracles of allah, mojzat e rasool urdu, Buzurgan e Deen Ki Karamat or Wakeyaat, islamic stories, miracles of allah, mojza e nabi, islamic miracles stories, abu talib,
NABI E KARIM صَلَّى الـلَّـهُ تَعَـالىٰ عَلـَيْـهِ وَسَلَّــم Ek Bar Apne Chacha Jaan Hazrat Abu Talib Ke Hamrah Bazar Me The Ye Bazar Ayyame Jahiliyat Me Arfa Se 1 Farsakh (4.82 km) Dur ZilMajaj Ke Maqam Par Lagta Tha, Is Douran Aap Ke Chahcha Hazrat Abu Talib Ko Pyaas Lag Gayi To Unhone Aap Se Kahan Ki Bhatije Mujhe Pyaas Lagi Hai To Aap Ne Kuch Kalmat Keh Kar Zamin Par Aedi (Heel) Maari,

Hazrat Abu Talib Ka Bayan Hai Ki Achanak Paani Nikal Aaya Ki Is Jaisa Pani Meri Nazar Me Nahi Aaya.

Aap Ne Farmaya Pee Lijiye ! To Maine Ser (Bharpet) Ho Kar Pee Liya, Aap Ne Dobara Aedi Mari To Wo Pani Gaayab Ho Gaya Aur Wo Jagah Pehle Ki Tarah Ho Gayi."
[Hujjatullahe AlalAalamin, Imam Yusuf Nab'Hani, Jild:1 Safha:447,448]

Related Post:

Aamaal Ke Sawaab Ka Daromadar Niyato Par

Mahfum-e-Hadees: Umar Bin Al-Khattab (Razi’Allahu Anhu) Se Rivayat Hai Ki, Rasool’Allah (Sallallahu Alaihay Wasallam) Ne Farmaya,
"Amal Ka Daromadar Niyat Par Hai Aur Har Shaksh Ko Wohi Milta Hai Jiski Wo Niyat Karey Isliye Jiski Hijrat (Emigration) Allah Aur Uskey Rasool Ki Raza Hasil Karney Ke Liye Ho Tou Usko Allah Aur Uskey Rasool Ki Raza Hasil Hogi.
Lekin Jiski Hijrat Duniya Hassil Karney Ke Liye Ho Ya Kisi Aurat Se Shaadi Karney Ke Iradey Se Ho Tou Uski Hijrat Uskey Liye Hai Jiskey Liye Usney Hijrat Ki."
(Sahih Bukhari, Hadith no.5070)

Related Article:

Hazrat Makhdoom Ashraf Simnani Rehmatullah Alaih Ki Azeem Tareen Karamat

ashrafi al jilani, ashrafi silsila, Buzurgan e Deen Ki Karamat or Wakeyaat, Hazrat Makhdoom Ashraf Simnani Ki Karamat, Islamic Images, karamat aulia allah, makhdoom ashraf dargah, qadri, waqiat e auliya, miracle of allah
Hazrat Syed Makhdoom Ashraf Jahangir Ka ilm Ajeeb Khudadaad ilm Tha Ke Aap Roohe Zameen Mein Jaha'n Tashreef Le Gaye Wahi'n Ki Zuban Mein Taqreer Karte AurUssi Zuban Mein Kitab Likkh Kar Waha'n Ke Logon Ke Liye Chhod Aate
(Sahaefe Ashrafi Jild 1 Safa No.115)

Related Post:

Hazrat Imam Sayyed Muhammad Ibn Sulayman Al-Jazuli Al-Simlali Rahmatullah Alaih:
Biography, dala'il al-khayrat, Hindi, imam, imam jazuli quotes, Imam Muhammad al-Jazuli - Short Biography Urdu, Islamic Images, Marrakesh Morocco, Muhammad al-Jazuli grave, Muhammad al-Jazuli qaul, Shadhilia, tomb, mazar
Laqab : Qutb-Ul-Kaamil.
Aap Ki Wilaadat Jazula, Sous (Morocco) Me Hui.
Aap Ke Waalid Ka Naam Sulaimān Ibn Abu Bakr Hai.
Aap Hasani Saadaat Hain.
Aur Sanhaja Ke Simlala Qabeele Se Ta’alluq Rakhte Hain.

Aap Ne Sous Me Ibtidaai Ta’aleem Haasil Ki.
Phir Fez Jaakar Madrasa As-Saffarin Me Ta’aleem Haasil Ki.
Aap Ne Ibne Hajib Ki ‘Mukhtasar Al-Far'i’ Aur Sahnun Ki ‘Al-Mudawwana Al-Kubra’ Kitaabe Hifz Ki.
Fez Me Aap Ne Hazrat Shaikh Ahmad Zarruq Rahmatullāhi Alaihi Se Bhi Mulaaqaat Ki.

Aap Hazrat Shaikh Sayyed Abu Abdallāh Mohammad Ibn Amghar As-Sagheer Rahmatullāhi Alaihi Ke Mureed Hue.

Phir Fasaad Ki Wajah Se Fez Chhodkar 40 Saal Tak Makka Mukarrama, Madeena Munawwara Aur Jerusalem Me Muqeem Rahe.

Ek Martaba Safar Ke Dauraan Raat Ko Aap Ne Ek Maqaam Par Qayaam Kiya. Subah Ko Namaaz Ke Liye Wuzu Ke Liye Paani Nahi Tha. Bahot Talaash Karne Ke Baad Ek Kunva Mila Magar Kunve Se Paani Nikaalne Ke Liye Dol Ya Rassi Nahi Thi. Aap Soch Rahe The Ke Kunve Se Paani Kaise Nikaala Jaaye Tabhi Ek Chhoti Ladki Waha Aai Aur Jab Us Ne Jaana Ke Hazrat Ko Paani Ki Zaroorat Hai Tab Us Ne Kuchh Padhkar Kunve Ke Paani Me Thoonk Diya. ALLĀH Ke Fazl Se Kunve Ka Paani Upar Tak Aa Gaya. Aap Ne Us Paani Se Wuzu Kiya Aur Namaaz Ada Karne Ke Baad Us Ladki Se Puchha ‘Beta! Tum Ne Kya Padha Jo Thoonkne Se Paani Upar Aa Gaya?’ Us Ladki Ne Kaha ‘Maine Huzoor Sallallāhu Alaihi Wa Sallam Par Durood Shareef Padha Tha.’ Aap Ne Daryaaft Kiya Ke ‘Wo Kaun Sa Durood Shareef Hai?’ Us Ladki Ne Kaha ‘Pehle Aap Ko Job Hi Durood Shareef Yaad Hai Wo Mujhe Sunnaiye.’ Aap Ne Jab Durood Shareef Sunaaye To Us Ne Kaha ‘In Me Wo Durood Shareef Nahi Hai.’ Aap Ne Jab Phir Se Guzarish Ki To Us Ne Kaha Ke ‘Behtar Hai Ke Aap Aur Durood Shareef Jama Karen. Shaayad Un Me Ye Durood Shareef Mil Jaaye.’
[ads-post] Aap Ne Kai Saal Tak Bahot Saare Durood Shareef Jama Kiye Aur Phir Us Ladki Se Wo Durood Jaankar Use Bhi Saamil Kiya Aur ‘Dalaa'il-Ul-Khairaat’ Naami Ek Kitaab Tayyaar Ki Jis Me Tamaam Durood Shareef Aur Un Ki Fazeelat Ka Bayaan Hai.

Jab Aap Madeena Munawwara Me Muqeem The Tab Roz Roza E Rasool Sallallāhu Alaihi Wa Sallam Par Haazir Hokar 2 Martaba ‘Dalaa'il-Ul-Khairaat’ Padhte.

Aap Ne 14 Saal Khalwat Me Riyaazat O Mujaahida Me Guzaare.
Phir Afwiral Me Khaanqaah Taamir Ki Aur Talba Ko Aur Logo Ko Ta’aleem Aur Faiz Ata Farmaate Rahe.

Qaul:
Imam Sayyed Muhammad Ibn Sulayman Al-Jazuli Al-Simlali Rahmatullah Alaih Farmaate Hain :
‘Gunaahgaaro Ki Majlis Se Door Raho. Jo Shakhs Faajiro Ki Sohbat Ikhtiyaar Karta Hai Us Ka Dil Sakht Ho Jaata Hai Aur Jo Neko Ki Sohbat Me Rehta Hai Us Ka Dil Roshan Ho Jaata Hai Aur Jis Ka Dil Munawwar Ho Jaaye Us Ki Rooh Paakeezah Ho Jaati Hai.’

Aap Hazrat Shaikh Sayyed Abu Abdallāh Mohammad Ibn Amghar As-Sagheer Rahmatullāhi Alaihi Ke Mureed Aur Khalifa Hain.

Aap Se ‘Shaazili Jazuliya’ Silsila Jaari Hai.

Aap Ke Khulfa:
(1) Hazrat Shaikh Abdul Azeez Rahmatullāhi Alaihi,
(2) Hazrat Shaikh Muhammad Al-Taba Rahmatullāhi Alaihi.

Safi Ke Governor Ne Pehle Aap Ko Takleef Dena Shuru Kiya. Phir Aap Ko Zeher Diya Jis Se Aap Ka Inteqaal Hua.

Aap Ka Wisaal 4 Zil Qa’ada 869 Hijri (June 1465 A.D.) Ko Haalaat E Namaaz Me Hua.

Aap Ko Afwiral Me Aap Ki Khaanqaah Me Dafn Kiya Gaya.

Aap Ke Wisaal Ke 77 Saal Baad Aap Ki Qabr Kholkar Aap Ke Jism E At'har Ko Baahar Nikaala Gaya To Aap Ka Kafan Aur Badan Bilkul Mehfooz Tha. Phir Aap Ko Marrakesh Le Jaakar Dafn Kiya Gaya.

Aap Ka Mazaar Marrakesh (Morocco) Me Hai.

ALLĀH Ta’ala Us Ke Habeeb Sallallāhu Alaihi Wa Sallam Ke Sadqe Me Aur Hazrat Imaam Sayyed Muhammad Al-Jazuli Rahmatullāhi Alaihi Aur Tamaam Auliya Allāh Aur Ahle Bait Ke Waseele Se
Sab Ko Mukammal Ishq E Rasool Ata Farmae Aur Sab Ke Iman Ki Hifaazat Farmae Aur Sab Ko Nek Amal Karne Ki Taufiq Ata Farmae. Aur Sab Ko Dunya Wa Aakhirat Me Kaamyaabi Ata Farmae Aur Sab Ki Nek Jaa'iz Muraado Ko Puri Farmaye.
Aameen

Related Biography:

दुरूदे ताज़ - मय तर्जुमा

बिस्मिल्लाह हिर्रहमान निर्रहीम
अल्लाह के नाम से शुरू जो निहायत मेहरबान रहम वाला है

Darood E Taj With Hindi Translation, durood e taj, darood sharif, darood e taj in hindi lyrics, darood e taj hindi mai, darood e taj meaning in hindi, quran aur hadees, Islamic Images, translation in urdu, btc,

अल्लाहुम्मा सल्ले अला सय्यिदिना व मौलाना मोहम्मदीन
या ईलाही हमारे आक़ा व मौला मोहम्मद ﷺ पर रहमत नाज़िल फ़रमा ।

साहिबित्त ताज़े वल मेराजे वल बुर्राके वल अलम
जो साहिबे ताज़ और मेराज़ और बुर्राक वाले और झंडे वाले है

दाफेईल बलायें वल वबाई वल कहति वल मर्ज़ी वल अलम
जिनके वसीले से बला वबा और क़हत (सुखा) मर्ज़ और दुख दूर होता है

इस्मोहु मक़तूबुम मरफ़ूउम मशफ़ुउम मनकुसुन फ़ील लव्ही वल क़लम
आप ﷺ का नाम नामी लिखा गया, बुलंद किया गया, क़बूले शफ़ाअत किया गया,
और लोह व क़लम में गुदा हुवा है

सय्यिदिल अरबी वल अज़म
आप ﷺ अरब व अज़म के सरदार है

जिस्मोहु मुक़द्दसुन मुअत्तरुन मुतहहरुन मुनव्वरुन फ़ील बैति वल हरम
आप ﷺ का जिस्म निहायत मुक़द्दस ख़ुशबूदार पाकीज़ा और खाना क़ाबा व हरम पाक़ में मुनव्वर है

शमशुद्दुहा बदरुददुजा सदरिलउला नूरीलहुदा कहफ़िलवरा मिस्बाहिज़ ज़ुलम
आप ﷺ चास्तगाह के आफ़ताब, अँधेरी रात के माहताब, बुलन्दियों के सदर नसीन, राहे हिदायत के नूर, मख़लूक़ात के जाहपनाह, अँधेरो के चराग़

जमिलिस्सीयम शफ़ीईल उमम सहिबिल जुदी वल करम
नैक इतवार के मालिक़, उम्मतियों के बख़्शवाने वाले, बख़्शिश व करम से मोसूफ़ है

वल्लाहु आसिमोहु जिब्रीलो खादिमुह वल बुर्राको मर्कबुहु वल मेराजो सफ़रोहु व सिदरातुल मुंतहा मकामोहु
अल्लाह तआला आप ﷺ का निगहबान, जिब्रील आप ﷺ के ख़िदमत गुज़ार, बुर्राक़ आप ﷺ की सवारी, और मेराज़ आप ﷺ का सफर, और सिदरतुल मुंतहा आप ﷺ का मक़ाम

व क़ाबा क़व्सैनी मतलूबुह वल मतलुबुह मक़सुदुह वल मक़सुदुह मोजूदुह
और (क़रीबे ख़ुदावन्दी में) क़ाबा कौसेन का मरतबा, आप ﷺ मतलूब है, और मतलूब ही आप ﷺ का मक़सूद है, और मक़सूद आप ﷺ को हासिल है

सय्यिदिल मुरसलीन ख़ातिमिन नबीय्यीन शफ़ीईल मुज़नबीन अनिसिल ग़रीबिन
आप ﷺ रसूलों के सरदार है, नाबियों में सबसे आखिर, गुनाहगारों को बख़्शवाने वाले, मुसाफिरों के ग़मख़्वार

रहमतूल्लील आलमीन राहतिल आशेक़ीन मुरादिल मुश्ताक़ीन शमशील आरिफ़िन
दुनियाँ जहान के लिये रहमत, आशिक़ों की राहत, मुश्ताक़ों की मुराद, ख़ुदा बशनासो के आफ़ताब

सिराजिस सालिकीन मिस्बाहिल मुक़र्रबीन मोहिब्बुल फुक़राए वल गुरबाए वल मसाक़ीन
राहे ख़ुदा पर चलने वालों के चराग़, मुक़रीबो के रहनुमा, मोहताजों, गरिबों और मिस्कीनों से मोहब्बत रखने वाले

सय्यिदिस शक़लैन नबिय्यील हरमैन इमामिल किब्लतैन
जिन्नात और इंसान के सरदार, हरम शरीफ़ के नबी, दोनों कबीलों (बैतूल मुक़द्दस व क़ाबा) के पेशवा

वसिलतना फिद्दारैन साहिबे क़ाबा कौसेन
और दुनियाँ व आख़िरत में हमारा वसीला है, वह मरतबा जो क़ाबा कौसेन पर फ़ाइज़ है

महबूबे रब्बुल मशरीकैन व मग़रिबैन
दो मशरीक़ो और दो मग़रीबों के रब के मेहबूब है

जद्दील हसनी वल हुसैन मौलाना व मौलस शकलैन
हज़रत इमाम हसन व हुसैन रदिअल्लाहु अन्हु के जद्दे अमज़द, और तमाम रूह के आक़ा है ।

अबिल क़ासिमि मोहम्मद ﷺ इब्ने अब्दुल्लाह नूरुममिन नूरिल्लाह
अबुल क़ासिम मोहम्मद ﷺ बिन अब्दुल्लाह रदिअल्लाहु अन्हु, जो अल्लाह तआला के नूर में से एक नूर है

या आय्योहल मुश्ताक़ुन बिनुरी जमालेही
ऐसे नूरे मोहम्मद ﷺ के मुश्ताक़ों..!

सल्लु अलैही व आलेही व अस्हाबेहि व सल्लीमो तस्लीमा
आप ﷺ पर और आप ﷺ की आल पर और आप ﷺ के अस्हाब पर दुरूद व सलाम भेजो जो भेजने का हक़ है ।
बलग़ल उला बे कमालेही
कशफद्दुजा बे जमालेही
हसनत जमिऊ खिसालेही
सल्लु अलैही व आलेही

Related Article:

Behtareen Biwi(Wife) Aur Shohar(Husband) Ke Huqooq:

biwi ka farz shohar ke liye, Islamic Images, miya biwi ka rishta, miya biwi ke huqooq, nikah, quran aur hadees, shohar ka farz biwi ke liye, shohar or biwi ka rishta, women's rights in islam facts, biwi ke huqooq, shohar ke huqooq

♥ Shohar Ke Huqooq Biwi Par ♥

ALLAH TA'ALA ne Shohar Ko Aurat Par Haaqim Banaya Hai Aur Bahut Badi Bujurgi Di Hai. Isliye Har Aurat Par Farz Hai Ki Wah Apne Shohar Ka Huqm Mane. Apne Shohar Ko Raazi Rakhna Biwi Ka Farz Hai Aur Jo Aisa Na Kare Wo Aurat Sakht Gunahgar Hai.
  • Jo Apne Shohar Ki Farmabardari Aur Khidmat Guzari Ko Apna Farz-e-Azeem Samjhe.
  • Jo Apne Shohar Ke Tamam Huqooq Ada Karne Me Kotahi Na Karen.
  • Jo Apne Shohar Ki Khubiyon Per Nazar Rakhe Aur Uss Ke Aib Aur Khamiyon Ko Nazar-Andaz Karti Rahe.
  • Jo Khud Takleef Utha Kar Apne Shohar Ko Aaram Pohchane Ki Hamesha Koshish Karti Rahe.
  • Jo Apne Shohar Se Uss Ki Aamdani Se Zyada Ka Mutaliba Na Kare Aur Jo Mil Jaye Uss Per Sabr-O-Shukr Ke Sath Zindagi Basar Kare.
  • Jo Apne Shohar Ke Siwa Kisi Ajnabi Mard Per Nigah Na Dale Na Kisi Ki Nigah Apne Uper Padhne De.
  • Jo Parde Me Rahe Aur Apne Shohar Ki Izzat-O-Namoos Ki Hifazat Kare.
  • Jo Shohar Ke Maal Aur Makan-O-Saman Aur Khud Apni Jaat Ko Shohar Ki Amanat Samajh Ker Har Cheez Ki Hifazat-O-Nigehbani Karti Rahe.
  • Jo Apne Shohar Ki Musibat Me Apni Jani-O-Maali Qurbani Ke Sath Wafadari Ka Saboot De.
  • Jo Parhezgaari Ki Paband Aur Deendaar Ho Huqooq Allah-O-Huqooq Ul Ibad Ko Ada Karti Ho.
  • Jo Padosiyon(Aurto) Aur Milne Julne Waali Aourton Yaani Saas, Nanand, Sasurali Rishtedar, Ke Sath Khush Akhlaqi Aur Sharaft Ka Bartao Kare.
  • Jo Maika-O-Sasural Dono Gharon Me Har-Dil Azeez Aur Ba Izzat Ho.
Sarkare Madina Sallallaho Alaihi Wasallam Ne Irshad Farmaya, "Agar Khuda Ke Siwa Kisi Dusre Ke Liye Sajda Karne Ka Huqm Deta To, Me Aurato Ko Huqm Deta Ki Wah Apne Shoharo Ko Sajda Karti Rahe".
(Mishkat Sharif Part 2 Safa 281 Mujtabaai)

Madine Ke Tajdaar Janab e Muhammad Mustafa Sallallaho Alaihi Wasallam Ne Irshad Farmaya, "Jab Shohar Apni Biwi Ko Apne Bistar Par Bulaye, Aur Aurat Aane Se Inkar Karde,
Aur Uska Shohar Is Baat Se Naraz Ho Kar Sota Rahe, To Raat Bhar ALLAH Ke Farishte Us Aurat Par Laanat Karte Hai".
(Mishkat Sharif Part 2 Safa 280)

Sarware Qaynaat Madani Aaqa Sallallaho Alaihi Wasallam Ne Irshad Farmaya, "Agar Shohar Apni Aurat (Biwi) Ko Yah Huqm De Ki Pile Rang Ka Pahad Kale Rang Ka Bana De Aur Kale Rang Ke Pahad Ko Safed Bana De To Bhi Aurat Ko Apne Shohar Ka Huqm Baja Lana Chahiye".

Aur Aap Sallallaho Alaihi Wasallam Ne Farmaya Ki, "Jis Aurat Ki Maut Aisi Haalat Me Aaye Ki Marte Waqt Uska Shohar Usse Khush Ho To Wo Aurat Jannat Me Jayegi". Aur Farmaya, "Jab Koi Mard Apni Aurat Ko Kisi Kaam Ke Liye Bulaye To Wo Aurat Agarche Chulhe Ke Pas Baithi Ho Usko Laazim Hai Ki Wah Uthkar Shohar Ke Pas Chali Jaye".

Is Hadees Sharif Ka Matlab Ye Hai Ki Aurat Chahe Kitne Bhi Jaruri Kam Me Mashgul Ho Shohar Ke Bulane Par Sab Kamo Ko Chod Kar Shohar Ki Khidmat Me Haazir Ho Jaye". 
(Mishkat Sharif Part 2 Safa 383 Mujtabaai)

Biwi Ko Shohar Ka Huqm Har Hal Me Manna Hai. Aur Jis Aurat Ka Shohar Usse Razi Ho Aur Uska Intkal Ho Jaye To Uske Liye Jannat Hai.
SubhanALLAH !

Saware Qaynat, Habeeb e Khuda, Shafi-E-Mehshar, Rehmatallil Aalamin Hazrat Muhammad Sallallaho Alaihi Wasallam Ne Sohbat Ke Liye Ye Dua Irshad Farmayi, 
"Bismillah, Allahumma jannib nash Shaitana, wa Janni bish-Shaitana ma razaq tana"
Tarjuma: "ALLAH ke naam se. Aye ALLAH door kar hamse shaitan mardud ko aur door kar shaitan mardud ko us Aulad se jo tu hame ata karega"
"Jo shaks Is Dua Ko Sohbat Ke Waqt Padhega (Dua Wahi Jo Upar Likhi Hai) To ALLAH Us Padhnewale Ko Agar Aulad Ata Farmaye To Us Aulad Jo Shaitan Kabhi Bhi Nuksan Na Pahuncha Sakega"
(Bukhari sharif Jild 3,Safa 85, Tirmizi sharif,Jild 1,Safa 557)

Jab Aap Miya-Biwi Saath Mein Sone Ka Irada Karen To Usse Pahle Ye Dua Padh Lijiye. Yani Sohbat Karne Se Pehle Ye Dua Hamesha Padhe.
Insha ALLAH Is Dua Ki Barkat Se Aapki Aulad Shaitan Se Mehfooz Hogi.
Khatmun Nabiyyin Huzoor-E-Akram Sallallahu Alaihi Wasallam Ne Irshad Farmaya, "Behtarin Aurat (Biwi) Wah Hai Ki Jab Uska Shohar Kisi Baat Ka Huqm De To Wo Uski Farmabardari Kare Aur Agar Shohar Uski Taraf Dekhe To Wah Apne Banav Singar Aur Apni Adaao Se Apne Shohar Ka Dil Khush Karde Aur Agar Shohar Kisi Baat Ki Kasam Kha Jaye To Wah Uski Kasam Ko Pura Karde Aur Agar Shohar Gayab Rahe (Matlab Ghar Se Bahar Ho) To Wah Apni Zaat Shohar Ke Maal Me Hifazat Aur Khair Kwahi Ka Kirdar Karti Rahe".
(Mishkat Sharif Part 2 Safa 268 Mujtabaai)

Apne Shohar Ko Khush Rakhna Hi Biwi Ka Farz Hai. Uska Singar Sirf Uske Shohar Ke Liye Hai. Shohar Ki Namaujudgi Me Uske Ghar Aur Maal Wa Dolat Ki Hifazt Karna Biwi Par Laazim Hai.
[ads-post]
Ek Shaks Ne Aap Sallallaho Alaihi Wasallam Se Daryaft Kiya Ki "Behtarin Aurat (Biwi ) Ki Pehchan Kya Hai?"
Madni Aaqa Sallallaho Alaihi Wasallam Ne irshad Farmaya "Jo Aurat Apne Shohar Ki Ita'at Wa Farma Bardari Kare".
(Nasaai Sharif Jild 2 Safa 364)

Hazrat Abu Sai'd RadiAllahu Anhu Se Riwayat Hai, Shafi-E-Mehshar, Rehmat-E-Aalam Janabe Muhammad Mustafa Sallallaho Alaihi Wa Aalihi Wasallam Ka Farmane Aalishan Hai "Shohar Ki Na Shukri Karna Ek Tarah Ka Kufr Hai Aur Ek Kufr Dusre Se Kam Hota Hai".
(Bukhari Sharif Jild 1, Bab No 21, Safa 109, Hadees No 28)

Aurat Hargiz Apne Shohar Ki Nafarmani Na Kare Warna Jahannam Ki Tayyari Karle..

Ummul Momineen Hazrate Aayesha Siddiqa RadiALLAHU Ta'ala Anha Wa Hazrat Abu Huraira RadiALLAHU Ta'ala Anhu Se Riwayat Hai Ki, Rasool-E-Khuda Sallallaho Alaihi Wasllam Ne Irshad Farmaya, "Agar Me Kisi Ko Kisi Ke Liye Sajde Ka Huqm Deta To Aurato Ko Huqm Deta Ki Apne Shohar Ko Sajda Kare".
(Tirmizi Sharif Jild 1, Bab No 788, Safa 594, Hadees No 1198)

Hazrat Abu Huraira Radiallahu Ta'ala Anhu Se Riwayat Hai Ki Nabi-E-Kareem Sallallaho Alaihi Wasallam Ne irshad Farmaya, "Shohar Apni Biwi Ko Jis Waqt Bister Par Bulaye
Aur Wah Aane Se Mana Karde To Us Aurat Par Khuda Ke Farishte Subah Tak Laanat Karte Rehte Hai".
(Bukhari Sharif Jild 3, Bab No 115, Safa 96, Hadees No 178)

Hazrat Aayesha Siddiqa Radiallahu Ta'ala Anha Se Marvi Hai Ki Aap Sallallaho Alaihi Wasallam Ki Khidmat Me Ek Jawan Aurat Haazir Hui Aur Arz Kiya "Ya Rasoolallah! Me Jawan Aurat Hu Muze Nikah Ke Paigam Aate Hai Magar Me Shaadi Ko Bura Samajhti Hu. Aap Muze Bataiye Biwi Par Shohar Ka Kya Haq Hai"?
Pyare Aaqa Sallallaho Alaihi Wasallam Ne Irshad Farmaya "Agar Shohar Ki Choti Se Pair Ki Ediyo Tak Peep Ho Aur Wah Use Zaban Se Chate To Bhi Shaohar Ka Haq Ada Nahi Kar Payegi".
Us Aurat Ne Pucha "To Main Shaadi Na Karu"?
Ispar Aap Sallallaho Alaihi Wasallam Ne Irshad Farmaya, "Tum Shaadi Karo Kyunki Isme Bhalaai Hai".
(Mukasheftul Kuloob Bab No 95, Safa 617)
ALLAHU AKBAR..!

Hazrate Maimuna Radiallaho Ta'ala Anhu Se Riwayat Hai Ke Rasoolallah Sallallaho Alahi Wasallam Ne Irshad Farmaya, "Meri Ummat Me Subse Behtar Wo Aurat Hai Jo Apne Shohar Ke Sath Acha Sulooq Karti Hai Aisi Aurat Ko 1000 Shahido Ka Sawab Milta Hai Jo Khuda Ki Rah Main Sabr Ke Liye Shahid Hue. Un Aurato Me Se Har Aurat Jannat Ki Hooro Par Aisi Fazilat Rakhti Hai Jaise Muhammad Sallallaho Alaihi Wasallam Ko Tum Me Se Adna Mard Par".
(Ghunyat Ut Talibeen Safa 113)
SubhanALLAH...!

Hazrate Abdullah Ibne Abbas Radiallaho Ta'ala Anhu Se Riwayat Hai Ki Pyare Aaqa Sallallaho Alaihi Wasallam Ne Irshad Farmaya, "Muze Dozakh (Jahannam) Dikhai Gayi Maine Waha Aurato Ko Jyada Paya Wajah Ye Hai Ki Ye Kufr Karti Hai".
Sahaba-E-Kiram Ne Arz Kiya "Kya Wo ALLAH Ke Sath Kufr Karti Hai"?
Aap Sallallaho Alaihi Wasallam Ne Irsad Farmaya, "Nahi! Wo Shohar Ki Na-shukri Karti Hai (Jo Ke Ek Tarah Ka Kufr Hai) Aur Uska Ehsaan Nahi Manti.
Agar Tu Kisi Aurat Se Umar Bhar Ehsaan Aur Neki Ka Sulooq Kare Lekin Ek Baat Bhi Khilafe Tabiyat Ho Jaye To Jhat Keh Dengi Ki Maine Tuzse Kabhi Aaram Aur Sukun Nahi Paya".
(Bukhari Sharif Jild 1, Bab No 21, Safa 109, Hadees No 28)

Sarkare Do Aalam Sallallaho Alaihi Wasallam Ka Farmane Aalishan Hai Ki, "Jab Shohar Apni Haazat (Sohbat) Ke Liye Biwi Ko Bulaye To Biwi Agar Roti Paka Rahi Ho To Usko Laazim Hai Ke Sab Kaam Chod Kar Apne Shohar Ke Pas Haazir Ho Jaye".
(Tirmizi Sharif Jild 1, Bab No 788, Safa 595, Hadees No 1159)

Hazrat Umar Radiallaho Anhu Se Riwayat Hai Ki Madani Aaqa Sallallaho Alaihi Wasallam Ne Irshad Farmaya, "Tumko Nahi Maalum, Aurat Ke Liye Shirk Ke Baad Sabse Bada Gunah Shohar Ki Nafarmani Hai".
(Ghunyat Ut Talibeen Safa 114)

Ya Rabbul Aalamin Tu Apne Karam Se Aurato Ko Nek Taufiq Ata Farma. Aur Unhe Apne Shaohar Ki Ita'at Karne Ki Taufiq Ata Farma
Aameen

♥ Biwi Ke Huqooq Shohar Par ♥

ALLAH TA'ALA Ne Jis Tarah Aurato Par Shohar Ke Huqooq Farz Kiye Hai Usi Tarah Shohar Par Bhi Aurato Ke Huqooq Farz Hai. In Huqooq Ko Ada Na Karnewala Sakht Gunaahgar Hai.
  • Jo Apni Biwi Ke Sath Narmi, Khush Khalqi Aur Husne Sulook Ke Sath Pesh Aaye.
  • Jo Apni Biwi Ke Huqooq Ada Karne Me Kisi Qism Ki Gaflat Aur Kotahi Na Kare.
  • Jo Apni Biwi Ka Iss Tarah Ho Ker Rahen Ke Kisi Ajnabi Aourat Per Nigah Na Dale.
  • Jo Apni Biwi Ko Apne Aish-O-Ishrat Me Barabar Samjhe.
  • Jo Apni Biwi Per Kabhi Zulm Aur Kisi Qism Ki Bhi Jyadati Na Kare.
  • Jo Apni Biwi Ki Tang Mizaji Aur Bad Akhlaqi Per Sabr Kare.
  • Jo Apni Biwi Ki Khubiyo Per Nazar Rakhe Aur Mamuli Galatiyon Ko Nazar Andaz Kare.
  • Jo Apni Biwi Ki Musibaton Bimariyon Aur Ranj-O-Gam Me Diljoi Aur Wafadari Ka Saboot De.
  • Jo Apni Biwi Ko Parde Me Rakh Kar Izzat-O-Aabru Ki Hifazat Kare.
  • Jo Apni Biwi Ko Zillat-o-Ruswayi Se Bachaye Rakhe.
  • Jo Apni Biwi Ko Deendari Ki Takeed Karta Rahe Aur Shari’at Ki Raah Per Chalaye.
  • Jo Apni Biwi Ke Akhrajaat Me Bakhili Aur Kanjoosi Na Kare.
  • Jo Apni Biwi Per Iss Tarah Taabey Me (Control) Rakhe Ke Wo Kisi Burai Ki Taraf Rukh Bhi Na Kar Sake.
ALLAH TA'ALA irshad Farmata Hai, "Aur Unse (Aurato Se) Acha Bartaw Karo".
(Tarzuma: Kanzul Imaan Para 4, Sure Nisa, Aayat 19)

Sarkaar-E-Madina Sallallaho Alaihi Wasallam Ne Irshad Farmaya, "Tum Me Ache Log Wah Hai Jo Aurato Ke Sath Achi Tarah Pesh Aaye".
(Mishkat Sharif Part 2, Safa 282)

Sarkar-E-Madina Sallallaho Alaihi Wasallam Ne Irsad Farmaya, "Aurat Ko Kisi Bade Kasoor Ke Kabhi Hargiz Hargiz Na Mare Jis Tarah Apne Gulaam Ko Mara Karta Hai Fir Dusre Waqt Usse Sohbat Bhi Kare".
(Mishkat Sharif Jild 2, Safa 280)

Afsos! Aaj Ke Kuch Jahil Naujawan Apni Biwi Ko Marte Hai.
Ya ALLAH Hum Subko Apni Biwi Ki Izzat Karne Ki Taufiq Ata Farma
Aameen

Habib-E-Khuda Sallallaho Alaihi Wasallam Ne Irshad Farmaya, "Koi Momin Mard Kisi Momin Aurat Se Bugz Wa Nafrat Na Rakhe Kyunki Agar Aurat Ki Koi Aadat Buri Malum Hoti To Uski Koi Dusri Aadat Pasandida Bhi Hogi".
(Mishkat Sharif Jild 2, Safa 280)

Mehboob-E-Khuda Khatmunn Nabiyyin Sallallaho Alaihi Wasallam Ne Irshad Farmaya, "Tum Me Woh Behtar Hai Jo Apni Biwi Ke Sath Behtar Hai Aur Me Apni Biwiyo Ke Sath Tum Subse Jyada Behtar Hu".
(Ibne Maja Jild 1, Safa 551, Hadees No 2047, Tirmizi Sharif Jild 1, Safa 595)

Apni Biwi Ke Sath Acha Sulooq Karo.
Uske Sath Muhabbat Se Pesh Aao.
Biwi Ke Sath Narmi Aur Khushmijaji Se Bartaw Karo.
Apne Biwi Se Ladai Jhagda Na Karo
Pyare Aaqa Alahissalam Ki Sunnato Par Amal Karo

Madani Aaqa Sallallaho Alaihi Wasallam Ka Farmane Aalishan Hai Ki, "Sabse Bura Aadmi Wah Hai Jo Apni Biwi Ko Sataye".
(Tabrani Sharif)

Pyare Islami Bahiyo Apni Biwi Par Julm Karna, Use Satana, Gaali Galoch Karna Bad Tarin Gunah Hai

Hazrat Abu Huraira Radiallaho Ta'ala Anhu Se Riwayat Hai Ki Rasool-E-Akram Sallallaho Alaihi Wasallam Ne Irshad Farmaya, "Jab Kisi Ke Nikah Me Do Biwiya Ho Aur Wo Ek Hi Ki Taraf Mayel Ho To Woh Qayamat Ke Din Jab Aayega To Uska Aadha Dhad Gira Hua Hoga".
(Tirmizi Sharif Jild 1, Safa 584, Hadees No 1137, Ibne Maaja Jild 1, Safa 549)

Habib-E-Khuda Sallallaho Alaihi Wasallam Ne Irshad Farmaya, "Aurato Ke Sath Neki Ka Bartaw Karo Ki Unki Paidaish Tedhi Pasli Se Hui Hai Wah Tere Liye Kabhi Sidhi Nahi Ho Sakti Agar Tu Use Baratna Chahe To Har Haalat Me Barat Sakta Hai Aur Sidha Karna Chahega To Tod Dega Aur Todna Talaaq Dena Hai.
(Muslim Sharif)

Hajjatul Wida Ke Mash'hur Khutbe Me Huzoor-E-Akram Sallallaho Alaihi Wasallam Ka Irshade Girami Hai Ki "Aye Logo! Aurato Ke Baare Me Neki Aur Bhalaai Karne Ki Wasiat Farmata Hu Tum Meri Wasiat Qubool Karo Beshaq Aurato Ka Tumhare Upar Haq Hai Tum Unke Pehnaane Aur Khilaane Me Neki Ikhtiyar Karo.
(Ibne Maja)

Madani Aaqa Sallallaho Alaihi Wasallam Ne Irshad Farmaya, "Nikah Ki Shart Yani Mehar Ada Karne Ka Sabse Jyada Khayal Rakho".
(Bukhari Sharif Jild 3, Safa 80)

Haq Mahar Ada Karna Shohar Par Wazib Hai Aur Ise Ada Karne Me Kotahi Karnewala Sakht Gunahgar Hai

Ya ALLAH Hum Subko Apne Biwi Ka Haq Ada Karne Ki Taufiq Ata Farma Aur Biwi Ke Sath Muhabbat Se Zindagi Basar Karne Ki Taufiq Ata Farma.
Allah Rabbul Izzat Hum Tamam Ko Kehne Sun’ne Se Jyada Amal Ki Toufiq De..
Aameen

Related Article:

Contact Form

Name

Email *

Message *