Beautiful heart touching naat sharif Wo Shehre Mohabbat Jahan Mustafa Hai Lyrics written by Tahir Raza Rampuri and recite by Tahir Raza Rampuri, Hafiz Munir Ahmed, Zohaib Ashrafi, Shaheen Maryam, Syeda Areeba Fatima, Hafiz Umar Farooq Naqshbandi and more naat khawan.
Wo Shehre Mohabbat Jahan Mustafa Hai Lyrics
Wo shahre mohabbat jahan mustafa hai
Wahi(n) ghar banane ko dil chahta hai
Woh sone se kankar woh chandi si mitti
Nazar mein basaane ko dil chahta hai
Jo pucha nabi ne ke kuch ghar bhi choda
Toh siddique akbar ke honto pe aaya
Waha maal o daulat ki kya hai haqeeqat
Jahaan jaan lutaane ko dil chahta hai
Sitaaro(n) se yeh chaand kehta hai har dum
Tumhe kya bataayein woh tukdo ka aalam
Ishaare mein aaqa ke itna maza tha
Ke phir toot jane ko dil chahta hai
Jihaad e mohabbat ki aawaaz gunji
Kaha hanzla ne yeh dulhan se apni
Ijaazat agar do to jaam e shahadat
Labo(n) se lagaane ko dil chahta hai
Woh nanha sa asgar jo aedi ragad kar
Yehi keh raha tha woh kheme mein rokar
Aye baba main pani ka pyasa nahi hoon
Mera sar kataane ko dil chahta hai
Jo dekha hai roo-e-jamaal-e-risaalat
To Tahir! Umar mustafa se yeh bole
Bahot aapse dushmani thi magar ab
Gulaami mein aane ko dil chahta hai
Naat Sharif: Wo Shahre Mohabbat Jahan Mustafa Hai Lyrics
Na’at Written by: Tahir Raza Rampuri
Naat Khawan: Tahir Raza Rampuri, Hafiz Munir Ahmed, Zohaib Ashrafi, Shaheen Maryam, Syeda Areeba Fatima, Hafiz Umar Farooq Naqshbandi and more naat khawan.