Shere Khuda Hazrat Ali Radiallahu Anhu-An Islamic Website

Sahara Chahiye Sarkar Zindagi Ke Liye Lyrics - Hafiz Tahir Qadri New Naat

Mere Aaqa Madine Bula Lijiye
Mere Aaqa Madine Bula Lijiye

Sahara Chahiye Sarkar Zindagi Ke Liye
Tadap Raha Hoon Madine Ki Hazri Ke Liye

Taiba Ke Jaane Wale, Jakar Bade Adab Se
Mera Bhi Qissa E Gham, Kehna Shah E Arab Se
Kehna Ke Shah-E-Aalam, Ek Ranjo Ghum Ka Maara
Dono Jahaan Mein Jiska Hain Aap Hi Sahara
Haalaat E Pur Alam Se, Iss Dum Guzar Raha Hai
Or Kaampte Labon Se Fariyaad Kar Raha Hai
Paaye Gunaah Apna Hai Dosh Par Uthaye
Koi Nahi Hai Esa Jo Puchne Ko Aaye
Bhula Hua Musafir Manzil Ko Dhoondta Hai
Taarikiyo Ko Maah-E-Kaamil Ko Dhoondta Hai
Seene Mein Hai Andhera, Dil Hai Siyaah Khana
Yeh Hai Meri Kahaani Sarkar Ko Sunana
Kehna Mere Nabi Se Mehroom Hu Khushi Se
Kehna Mere Nabi Se Mehroom Hu Khushi Se
Sarwar Qabr-E-Ghum Hai, Ashkon Se Aankh Nam Hai
Paamaal-E-Zindgi Hoon, Sarkar Ummati Hoon
Ummat Ke Rehnuma Ho, Kuch Arz-E-Haal Sun Lo
Fariyaad Kar Raha Hoon, Main Dil Figaar Kab Se
Mera Bhi Qissa-e-Ghum Kehna Shah-e-Arab Se

Huzoor Aisa Koi Intezam Ho Jaye
Salam Ke Liye Hazir Ghulam Ho Jaye

Sahara Chahiye Sarkar Zindagi Ke Liye
Tadap Raha Hoon Madine Ki Hazri Ke Liye

Mera Dil Tadap Raha Hai, Mera Jal Raha Hai Seena
Ke Dawaa Wahi Milegi, Mujhe Le Chalo Madina
Nahi Maal-O-Zar To Kya Hai, Main Garib Hoon Yahi Na
Mere Ishq Mujhko Le Chal, Tu Hi Janib-E-Madina
Aaqa Na Toot Jaye, Ye Dil Ka Aabghina
Ab Ke Baras Bhi Maula, Reh Jaoon Main Kahin Na
Dil Ro Raha Hai Jin Ka, Aansoo Chalak Rahe Hain
Un Aashiqon Ka Sadqa Bulwayiye Madina

Mere Aaqa Madine Bula Lijiye
Mere Aaqa Madine Bula Lijiye

Madine Jaaoon Phir Aaoon Dobara Phir Jaaoon
Yeh Zindagi Meri Yunhi Tamaam Ho Jaye

Sahara Chahiye Sarkar Zindagi Ke Liye
Tadap Raha Hoon Madine Ki Hazri Ke Liye

Ae Aazam-E-Madina Jaakar Nabi Se Kehna
Soze Gham E Alam Se Ab Jal Raha Hai Seena
Kehna Ke Badh Rahi Hai Ab Dil Ki Iztraabi
Qadmo Se Door Hoon Mein Qismat Ki Hai Kharaabi
Kehna Ke Dil Main Mere Armaan Bhare Huwe Hai
Kehna K Hasraton Ke Nashtar Choobe Huwe Hai
Hain Aarzoo Yeh Dil Ki, Mein Bhi Madine Jaoon
Sultan-e-Do Jahaan Ko Daagh-e-Jigar Dikhaoon
Kaatoon Hazaar Chakkar Taiba Ki Har Gali Ke
Yunhi Guzaar Doon Mein Ayyaam Zindgi Ke
Phoolon Pe Jaan Nisaaroon, Kaanton Pe Dil Ko Waaroon
Zarron Ko Doon Salaami, Dar Ki Karoon Ghulami
Deewar-o-Dar Ko Choomoon, Chokhat Pe Sar Ko Rakh Doon

Roze Ko Dekh Kar Main Rota Rahoon Baraabar
Aalam Ke Dil Mein Hai Yeh Hashrat Najaane Kab Se
Hum Sab Ke Dil Mein Hai Yeh Hashrat Najaane Kab Se
Mera Bhi Qissa-e-Ghum Kehna Shah-e-Arab Se

Sahara Chahiye Sarkar Zindagi Ke Liye
Tadap Raha Hoon Madine Ki Hazri Ke Liye

Ek Roz Hoga Jana Sarkar Ki Gali Mein
Hoga Wahi Thikaana Sarkar Ki Gali Mein
Dil Mein Nabi Ki Yaadein, Lab Par Nabi Ki Naatein
Jaana To Aise Jaana Sarkar Ki Gali Mein

Ya Mustafa Khudara Do Izn Haazri Ka
Kar Loon Nazaara Aakar Main Aap Ki Gali Ka
Ek Baar To Dikha Do Ramzan Mein Madina
Iss Baar To Dikha Do Ramzan Mein Madina
Aaqa Hamein Dikha Do Ramzan Mein Madina
Beshak Bana Lo Aaqa Mehman Do Ghadi Ka

Naseeb Walon Mein Mera Bhi Naam Ho Jaye
Jo Zindagi Ki Madine Mein Shaam Ho Jaye

Sahara Chahiye Sarkar Zindagi Ke Liye
Tadap Raha Hoon Madine Ki Hazri Ke Liye

Bula Lo Na Bula Lo Na
Aaqa Aaqa Aaqa

Naat Lyrics: Sahara Chahiye Sarkar Zindagi Ke Liye Lyrics
Naat Khawan: Hafiz Tahir Qadri

Related Naat Lyrics:

• Kabe Ke Badrudduja Tum Pe Karodon Durood Lyrics
• Hasbi Rabbi Jallallah Ma Fi Qalbi Ghairullah Lyrics
• Main Madine Chala Lyrics - Full Naat

Shah e Arsh e Aala Salamun Alaikum
Habeeb e Khudaaya Salamun Alaikum

Mere Maah e Taiba Salamun Alaikum
Shahenshah e Batha Salamun Alaikum

Khabar Jin Ke Aane Ki Thi Muddato Se
Huwa Jalwa Farma Salamun Alaikum

Jo Tashrif Laye Wo Sultan e Aalam
To Kaaba Pukara Salamun Alaikum

Do Aalam Ka Aaqa o Maula Banaakar
Tumhe Haq Ne Bheja Salamun Alaikum

Ye Aawaz Har Simt Se Aa Rahi He
Shah e Deen o Duniya Salamun Alaikum

Tamanna Hai Apni Madine Pahonch Kar
Kahoon Paish Roza Salamun Alaikum

Dua Hai Ke Jab Waqt Ho Jaangni Ka
Ho Lab Par Wazifa Salamun Alaikum

Jameel Apne Aaqa Shafi-ul-Umam Par
Padheja Hamesha Salamun Alaikum

Shah e Arsh e Aala Salamun Alaikum
Habeeb e Khudaaya Salamun Alaikum

Salato Salam Lyrics: Shah e Arsh e Aala Salamun Alaikum Lyrics
Salato Salam Written By: Maulana Jameel ur Rehman Qadri

Related Durood o Salam Lyrics:

• Aaqa Lelo Salam Ab Hamara Lyrics
• Mustafa Jane Rehmat Pe Lakhon Salam Lyrics
• Ya Habibi Marhaba Jaddal Hussaini Marhaba Lyrics

Kabe Ke Badrudduja Tum Pe Karoron Durood Lyrics | Ya Habibi Marhaba Jaddal Hussaini Marhaba Lyrics | Qasida E Durood

Ya Habibi Marhaba Ya Habibi Marhaba
Jaddal Hussaini Marhaba Ya Noor-Al-Aini Marhaba

Kabe Ke Badrudduja Tum Pe Karoron Durood
Taiba Ke Shamsudduha Tum Pe Karodon Durood

Shaafa'e Roze Jazaa Tum Pe Karodo Durood
Daafa'e Jumla Balaa Tum Pe Karodo Durood

Jaano Dil-E-Asfiya Tum Pe Karodo Durood
Aabo Gil-E-Ambiya Tum Pe Karodo Durood

Laayein To Yeh Doosra Do-Saraa Jisko Mila
Koshak E Arsh-O-Danaa Tum Pe Karodon Durood

Aur Koi Gaib Kya Tum Se Nihaan Ho Bhala
Jab Na Khuda Hi Chupa Tum Pe Karodo Durood

Toor Pe Jo Sham'a Tha Chaand Tha Saa'eer Ka
Naiyyar E Faaraa'n Hua Tum Pe Karoron Durood

Dil Karo Thanda Mera Wo Kafe Paa Chand Sa
Sine Pe Rakh Do Zara Tum Pe Karodon Durood

Zaat Hui Intekhaab Wasf Hue La-Jawab
Naam Hua Mustafa Tum Pe Karodon Durood

Gaayat-O-Illat Sabab Behre Jahaan Tum Ho Sab
Tum Se Banaa Tum Bina Tum Pe Karoron Durood

Tumse Jahaan Ki Hayaat Tum Se Jahaan Ka Sabaat
Asl Se Hai Zil Bandha Tum Pe Karoron Durood

Magz Ho Tum Aur Post Aur Hai Baahar Ke Dost
Tum Ho Daroon-E-Saraa Tum Pe Karoron Durood

Kya Hai Jo Be-Had Hai Laus, Tum To Ho Gais Aur Gaus
Cheentein Me Hoga Bhalaa Tum Pe Karoron Durood

Tum Ho Hafeez-O-Mugeez Kya Hai Wo Dushman Khabees
Tum Ho To Phir Khauf Kya Tum Pe Karoron Durood

Wo Shab-E-Meraj Raaj, Wo Saf E Mehshar Ka Taaj
Koi Bhi Aisa Huwa Tum Pe Karoron Durood

Jaan-O-Jahaan E Maseeh, Daad Ki Dil Hai Jareeh
Nabzein Chooti Dam Chala Tum Pe Karoron Durood

Uff Wo Rah E Sanglaakh Aah Ye Paa Shaakh Shaakh
Aye Mere Mushkil Kusha Tum Pe Karoron Durood

Tum Se Khula Baab-E-Jood Tum Se Hai Sab Ka Wajood
Tum Se Hai Sabki Bakaa Tum Pe Karoron Durood

Khasta Hoon Aur Tum Ma'aaz, Basta Hoon Aur Tum Malaaz
Aage Jo Shah Ki Raza Tum Pe Karoron Durood

Garche Hain Behad Kasoor Tum Ho Afuww-O-Gafoor
Baksh Do Jurm O Khataa Tum Pe Karoron Durood

Mehr E Khuda Noor Noor, Dil Hai Siyaah Din Hai Door
Shab Mein Karo Chaandna Tum Pe Karoron Durood

Tum Ho Shaheed-O-Baseer Aur Main Gunaah Pur Diler
Khol Do Chashme Hayaa Tum Pe Karoron Durood

Cheent Tumhari Sahar, Chhoot Tumhari Qamar
Dil Me Racha Do Zia Tum Pe Karoron Durood

Tum Se Khuda Ka Zuhoor Usse Tumhara Zuhoor
"LIM" Hai Ye Woh "IN" Hua Tum Pe Karoron Durood

Be-Hunar O Be-Tameez Kis Ko Huwe Hain Azeez
Ek Tumhare Siwa Tum Pe Karoron Durood

Aas Hai Koi Na Paas Ek Tumhari Hai Aas
Bas Hai Yahi Aasra Tum Pe Karodo Durood

Taarame Aa’la Ka Arsh Jis Kafe Paa Ka Hai Farsh
Aankhon Pe Rakh Do Zara Tum Pe Karodon Durood

Kehne Ko Hai Aam-O-Khaas Ek Tumhi Ho Khalaas
Band Se Kar Do Riha Tum Pe Karodon Durood

Tum Ho Shifaa-E-Maraz Khalq-E-Khuda Khud Garaz
Khalq Ki Haajat Bhi Kya Tum Pe Karodon Durood

Aah Woh Raah-E-Siraat Bandon Ki Kitni Bisaat
Al Madad Aye Rehnuma Tum Pe Karodon Durood

Be Adab-O-Bad-Lihaaz Kar Na Saka Kuch Hifaaz
Afw Pe Bhoola Raha Tum Pe Karodon Durood

Lo Tahe Daaman Ki Sham’a Jhonko Mein Hai Roze Jam’a
Aandhiyon Se Hashr Uthaa Tum Pe Karodon Durood

Seena Ki Hai Daag Daag Keh Do Kare Baag Baag
Taiba Se Aa Kar Saba Tum Pe Karodon Durood

Gesu O Qad Laam Alif Kar Do Bala Munsarif
Laa Ke Tahe Taig ‘Laa’ Tum Pe Karodon Durood

Tum Ne Ba-Range Falaq Jaibe Jahaa(N) Kar Ke Shaq
Noor Ka Tadka Kiya Tum Pe Karodon Durood

Naubate Dar Hain Falak Khaadim E Dar Hain Malak
Tum Ho Jahaan Baadshah Tum Pe Karodon Durood

Khilq Tumhari Jameel Khulq Tumhara Jaleel
Khalq Tumhari Gada Tum Pe Karodon Durood

Taiba Ke Maahe Tamaam Jumla Rusul Ke Imaam
Nau Shahe Mulke Khuda Tum Pe Karodon Durood

Tum Se Jahaa Ka Nizaam Tum Pe Karodon Salaam
Tum Pe Karodon Sanaa Tum Pe Karodon Durood

Tum Ho Jawwaado Kareem Tum Ho Rauf-O-Raheem
Bheek Ho Daata Ata Tum Pe Karodon Durood

Khalq Ke Haakim Ho Tum Rizq Ke Qaasim Ho Tum
Tum Se Mila Jo Mila Tum Pe Karodon Durood

Naaf'e O Daaf'e Ho Tum Shaaf'e O Raaf'e Ho Tum
Tum Se Bas Afzoo N Khuda Tum Pe Karodon Durood

Shaafi O Naafi Ho Tum Kaafi O Waafi Ho Tum
Dard Ko Kardo Dawa Tum Pe Karodon Durood

Jaaye Na Jab Tak Ghulam Khuld Hai Sab Par Haraam
Milk To Hai Aap Ka Tum Pe Karodon Durood

Mazhare Haq Ho Tumhi Muzhire Haq Ho Tumhi
Tum Mein Hai Zaahir Khuda Tum Pe Karodon Durood

Zordi-He Naa-Rasaa Takya Gahe Bekasaa
Badshah E Maa Waraa Tum Pe Karodon Durood

Barse Karam Ki Bharan Phoole Ni’am Ke Chaman
Aisi Chala Do Hawa Tum Pe Karodon Durood

Ek Taraf Aadaa-E-Deen Ek Taraf Haasidee(n)
Banda Hai Tanha Shaha Tum Pe Karodon Durood

Kyun Kahoon Bekas Hoon Main Kyun Kahoon Bebas Hoon Main
Tum Ho Main Tum Par Fida Tum Pe Karodon Durood

Gande Nikamme Kameen Mehnge Ho Kodi Ke Teen
Kaun Humein Paalta Tum Pe Karodon Durood

Baat Na Dar Ke Kahi Ghaat Na Ghar Ke Kahi
Aise Tumhe Paalna Tum Pe Karodon Durood

Aiso Ko Ne’mat Khilaao Doodh Ke Sharbat Pilaao
Aiso Ko Aisi Gizaa Tum Pe Karodon Durood

Girne Ko Hoon Rok Lo Ghota Lage Haath Do
Aiso Par Aisi Ata Tum Pe Karodon Durood

Apne Khatawaaron Ko Apne Hi Daaman Mein Lo
Kaun Kare Yeh Bhala Tum Pe Karodon Durood

Kar Ke Tumhare Gunaah Maange Tumhari Panaah
Tum Kaho Daaman Mein Aa Tum Pe Karodon Durood

Kar Do ‘Adoo Ko Tabaah Haasidon Ko Roo Baraah
Ahle Wilaa Ka Bhala Tum Pe Karodon Durood

Hum Ne Khataa Mein Na Ki Tum Ne Ata Mein Na Ki
Koi Kami Sarwara Tum Pe Karodon Durood

Kaam Ghazab Ke Kiya Us Pe Hai Sarkaar Se
Bandon Ko Chashme Raza Tum Pe Karodon Durood

Aankh Ata Kijiye Us Mein Ziya Dijiye
Jalwa Kareeb Aa Gaya Tum Pe Karodon Durood

Kaam Woh Le Lijiye Tum Ko Jo Raazi Kare
Thik Ho Naam E Raza Tum Pe Karodon Durood

Naat/Durood O Salam Lyrics: Kabe Ke Badrudduja Tum Pe Karodon Durood Lyrics | Ya Habibi Marhaba Jaddal Hussaini Marhaba Lyrics
Naat Khawan: Alhaj Muhammad Owais Raza Qadri, Hafiz O Qari Sayyed Abdul Wasi Razvi Noori, Asad Iqbal
Naat Written By: Qasida E Durood, Kalam Ul Imam - Imam Ul Kalam, Kalam E Raza, Kalam E Aala Hazrat Imam Ahmed Raza Khan Barelvi

Related Lyrics:

• Ya Nabi Salam Alaika Lyrics
• Mustafa Jane Rehmat Pe Lakhon Salam Lyrics
• Tamanna Muddaton Se Hai Lyrics | Heart Touching Nasheed