Manzar Fiza e Dahar Main Sara Ali Ka Hai Lyrics
Manzar fiza e dahar main sara Ali ka haiJis samt dekhta hoon nazaara Ali ka hai
Duniya e aashtee ki phaban mujtaba Hasan
Farjand e fatima hai to pyaara Ali ka hai
Kul ka jamaal juzw ke chehre se hai ayaan
Ghode pe hain Hussain nazaara Ali ka hai
Ae arz e paak tujh ko mubarak ke tere paas
Parcham nabi ka chand sitaara Ali ka hai
Tum dakhla de rahe ho aqeedat ke baab mein
Dekho mu'amla yeh hamaara Ali ka hai
Hum faqr e mast, chaahne waale Ali ke hain
Dil par hamaare sirf ijaara Ali ka hain
As’habi ka nujum ka irshad bhi bayaan
Sab se magar buland sitara Ali ka hai
Ahle hawas ki luqma e tar par rahi nazar
Naane javin pe sirf guzaara Ali ka hai
Hasti ki aab o taab Hussain aasmaan janab
Zahra ka laal raaj dulara Ali ka hai
Marhab do-neem hai sar e maqtal pada hua
Uthne ka ab nahi ke yeh maara Ali ka hai
Duniya mein aur kaun hai apna ba-juz Ali
Hum bekaso ko hai to sahaara Ali ka hai
Tu kya hai aur kya hai tere ilm ki bisaat
Tujh par karam naseer yeh saara Ali ka hain
Manqabat Lyrics: Manzar fiza e dahar main sara Ali ka hai | Kalam e Peer Naseer ud Din Naseer
Manqabat Written By: Pir Naseeruddin Naseer Gilani
Naat Khawan: Pir Naseeruddin Naseer, Syed Fasihuddin Soharwardi, Zohaib Ashrafi, Khalid Hasnain Khalid, Syed Zabeeb Masood Shah Bukhari, Abiha Zaidi, Awais Iqbal, Haseeb Raunaque Saqlaini and more Naat Khawans.