Tamanna Muddaton Se Hai Lyrics | Heart Touching Nasheed -->

Tamanna Muddaton Se Hai Lyrics | Heart Touching Nasheed

Tamanna Muddaton Se Hai Jamaal-E-Mustafa Dekhoon
Imam-Ul-Ambiya Dekhoon, Habeeb-E-Kibriya Dekhoon

Woh Jinke Dam Qadam Se Sub'ha Ne Bhi Roshni Paayi
Munawwar Kar Diya Jisne Faza Woh Rehnuma Dekhoon

Woh Jinki Barkato Se Abr-O-Baara Baste Aalam Mein
Tamanna Qalb-E-Muztar Ki Woh Durr-E-Bebaha Dekhoon

Qadam Baahir Madina Se Tasawwur Mein Madina Hai
Ilahi, Ya Ilahi Azmaton Ki Inteha Dekhoon

Ye Duniya Besubaat-O-Bewafa-O-Gham Ka Gehwaaraa
Ye Hai Matloob Dar-E-Be-Wafaayee Mein Wafa Dekhoon

Woh Mabda Khalq-E-Aalam Ka Durood Unpar Salaam Unpar
Mere Maula Ye Mauqa De Ke Khatm-Ul-Ambiya Dekhoon

Kabhi Ho Husn Ki Mehfil Kabhi Ho Shauq Ka Manzar
Kabhi Aansoo Ki Zanjeeron Mein Aashiq Ki Sada Dekhoon

Rasool-Un-Qaasim-Ul-Khairaati Fid Dunya Wa Fil Uqba
Shafiq Az Nafs-E-Maa Dar Maa Nabi-E-Mujtaba Dekhoon

Dar-E-Jannat Pe Haazir Hoon Rasool-E-Paak Ke Humraah
Shafa'at Ka Ye Manzar Ya Khudaya Main Raza Dekhoon

Tamanna Muddaton Se Hai Jamaal-E-Mustafa Dekhoon
Imam-Ul-Ambiya Dekhoon, Habeeb-E-Kibriya Dekhoon

Nasheed Lyrics: Tamanna Muddaton Se Hai Lyrics
Naat Khawan: Ehsaan Tahmid, Ayesha Abdul Basit, Laiba Fatima and More.

Related Naat Lyrics: