Main Gulam E Khwaja Hu Hind Hai Watan Mera Naat Lyrics | Kalam E Nazmi
Unki Jaame Jam Aankhen Sheesha E Badan Mera
Unki Band Mutthi Me Saara Baakpan Mera
Arze Gang Meri Hai Khittaye Jaman Mera
Main Gulam E Khwaja Hu Hind Hai Watan Mera
Aashiq E Nabi Hu Main Waris E Ali Hu Main
Maila Ho Na Payega Hashr Tak Kafan Mera
Naat E Mustafa Kehna Naat E Mustafa Sunna
Mujhko Bakshwayega Haa Yahi Chalan Mera
Hashr Me Nida Hogi Yeh Gulam Kiska Hai
Mujh Ko Dekhe Aur Kehde Ya Shahe Zaman Mera
Arsh Jhoom Jhoom Utha Qudsiyo Ko Wajd Aaya
Naat E Mustafa Me Jab Khul Gaya Dahan Mera
Aap Chahe Ho Jaaye Saari Mushkil E Aasan
Aap Chahe Mit Jaaye Ranj Aur Mihan Mera
Maine Saare Kaam Apne Mustafa Ko Saupe Hai
Kya Bigaad Payega Daure Pur Fitan Mera
Waqfe Zikre Ahmad Ho Taa Abad Qalam Ya Rab
Hashr Tak Rahe Jaari Chashma E Sukhan Mera
Azmate Mere Aage Sajda Rez Ho Jaye
Unke Dar Se Chul Jaye Kash Pairahan Mera
Hashr Me Taraazu Par Tole Jayenge Aamal
Kaam Aahi Jayega Naat Ka Ye Fan Mera
Arsh Se Pare Jaakar Mustafa Ne Batlaya
Ye Zamee Bhi Meri Hai Aur Hai Gagan Mera
Gulshane Madina Se Nazmi Mujh Ko Nisbat Hai
Ek Ek Kali Meri Gul Mera Chaman Mera
Arze Gang Meri Hai Khittaye Jaman Mera
Main Gulam E Khwaja Hoon Hind Hai Watan Mera
Manqabat Or Naat Lyrics: Main Gulam E Khwaja Hu Hind Hai Watan Mera Lyrics
Kalam Written By: Hazrat Nazmi Miya Alaihir Rehma | Kalam E Nazmi
Related Naat Lyrics: