Khwaja E Hind Wo Darbar Hai Aala Tera Lyrics
Khwaja e Hind Woh Darbar Hai Aala Tera
Kabhi Mehroom Nahi Maangne Waala Tera
Khuftgane Shabe Ghaflat Ko Jaga Deta Hai
Saalhasaal Wo Raato Ka Na Sona Tera
Hai Teri Zaat Ajab Behr e Haqeeqat Pyare
Kisi Tairaak Ne Paaya Na Kinaara Tera
Kis Qadar Josh Tahayyur Ke ‘Ayaan Hain Aasaar
Nazar Aaya Magar A’inaa Ko Talwa Tera
Gulshan e Hind Hai Shaadaab Kaleje Thande
Wah Ae Abre Karam Zor Barasna Tera
Kya Mehak Hai Ke Mu’attar Hai Dimaag e Aalam
Takhta e Gulshan e Firdaus Hai Roza Tera
Tujhme Hain Tarbiyate Khizr Ke Paida Aasaar
Behr o Bar Main Hamain Milta Hai Sahaara Tera
Phir Mujhe Apna Dar e Paak Dikhade Pyaare
Aankhain Pur Noor Ho Phir Dekh Ke Jalwa Tera
Zille Haq Ghaus Pe Hai Ghaus Ka Saaya Tujh Par
Saaya Gustar Sare Khuddaam Pe Saaya Tera
Tujh Ko Baghdad Se Haasil Huyi Woh Shaan e Raf’ee
Dang Reh Jaate Hain Sab Dekh Ke Rutba Tera
Kyu Na Baghdad Me Jaari Ho Tera Chashma e Faiz
Behr e Baghdad Hee Ki Nehr Hai Dariya Tera
Jab Se Tune Qadam e Ghaus Liya Hai Sar Par
Auwliya Sar Pe Qadam Lete Hain Shahaa Tera
Muhiyyudin Ghous Hai Aur Khwaja Moinuddin Hai
Ae Hasan Kyun Na Ho Mehfooz Aqeeda Tera
Khwaja e Hind Woh Darbar Hai Aala Tera
Kabhi Mehroom Nahi Maangne Waala Tera
Manqabat Lyrics: Khwaja E Hind Wo Darbar Hai Aala Tera Lyrics
Naat Khawan: Alhaj Owais Raza Qadri, Muhammad Shafiq Ur Rehman and More.
Related Naat Sharif Aur Manqabat: