Rif'ate Mustafai Par Arsh Ki Aql Dang Hai
Unki Har Ek Ada Me Kya Mehboobiyat Ka Rang Hai
Khushbu-E-Mustafa Se Hai Dono Jahan Ki Nikhaten
Jumbishen Lab Ki Wo Ada Mushafe Khush Tarang Hai
Milta Hai Mustafa Ka Dar Aale Rasool Ke Tufail
Marehra Se Madine Tak Roohani Ek Surang Hai
Aagaz Se Aakhir Tak Qur'an Hai Na'ate Mustafa
Mehboob Ke Bayaan Ka Kaisa Anokha Dhang Hai
Mehboobe Kibriya Ki Zaat Wajibe Ehteram Hai
Tauheen Unki Jo Kare Usse Hamari Jang Hai
Nazmi Kiye Hi Jayega Milade Mustafa Bayaan
Isko Kabhi Na Chodna Sunni Bada Dabang Hai
Nazmi Ki Naar Ki Taraf Le Chale Jab Malaika
Aaqa Kahenge Chod Do Ye To Mera Malang Hai
Rifate Mustafai Par Arsh Ki Aql Dang Hai
Unki Har Ek Ada Me Kya Mehboobiyat Ka Rang Hai
(Sallallahu Alaihi Wasallam)
Related Islamic Naat: