NAZR-A-IMAAN


HIQAYAT:-


Hazrat Ali Radi-Allahu-Ta'aala-Anhu Ne Farook-A-Aazam Radi-Allahu-Ta'aala-Anhu Ke Daur-A-Khilafat May Ek Khwab Dekha Ki Masjid-A-Nabwi May Khud Huzoor SALLALLAHU-TA'AALA-ALAIHI-WASALLAM Fazr Ki Namaz Padha Rahe Hain Aur Hazrat Ali Bhi Huzoor Ke Piche Namaz Padh Rahe Hain! Salam Fherne Ke Baad Huzoor SALLALLAHU-TA'AALA-ALAIHI-WASALLAM Masjid Ki Deewar Se Pusht-A-Anwar (Peet Mubarak) Lagaker Bait Gaye! Itne May Ek Aurat Khajooron Ka Ek Tabaak Leker Haazir Hui Aur Huzoor Ke Saamne Wo Tabaak Rakh Diya! Huzoor SALLALLAHU-TA'AALA-ALAIHI-WASALLAM Ne Usme Se Ek Khajoor Uthayi Aur Hazrat Ali Radi-Allahu-Ta'aala-Anhu Ko Ata Farmayi Aur Baaki Khajooren Dusre Namaziyon May Taksim Farma Di! Hazrat Ali Radi-Allahu-Ta'aala-Anhu Ki Aankh Khul Gayi! Aapne Dekha Ki Zabaan Per Wahi Khajoor Ka Maza Aur Mithas Maujudh Hain! Thik Subah Ke Waqt Aapki Aankh Khuli Aap Fauran Masjid Pahuche! Aapne Dekha Ki Hazrat Farook-A-Aazam Radi-Allahu-Ta'aala-Anhu Namaz Padha Rahe Hain! Aap Jamaat May Shamil Hogaye! Salaam Fherne Ke Baad Hazrat Umar Radi-Allahu-Ta'aala-Anhu Usi Tarah Masjid Ki Deewar Se Takiya Lagaker Bait Gaye Jis Tarah Hazrat Ali Ne Raat Ko Khwab May Huzoor Ko Dekha Tha! Thodi Daer Ke Baad Ek Aurat Bhi Khajooron Ka Ek Tabaak Leker Aagayi! Farook-A-Aazam Ki Khidmat May Pesh Kerdiya Hazrat Umar Ne Bhi Us Tabaak Se Ek Khajoor Uthayi Aur Hazrat Ali Ko De Di! Baaki Sab Khajooren Dusre Namaziyon May Baant Di Gayi!

Hazrat Ali Radi-Allahu-Ta'aala-Anhu Ne Hazrat Umar Radi-Allahu-Ta'aala-Anhu Se Kaha, Aye Amirul Momineen! Ek Khajoor Mujhe Aur Bhi De Dete To Kya Baat Thi ?

Hazrat Umar Radi-Allahu-Ta'aala-Anhu Ne Farmaya, Aye Ali! Agar Raat Rasoollah SALLALLAHU-TA'AALA-ALAIHI-WASALLAM Aapko Dusri Khajoor Inayat Farmate To Is Waqt Main Bhi Aapko Dusri Khajoor De Deta! Jab Sarkar Ne Na Di To Main Kaise Du?

Hazrat Ali Radi-Allahu-Ta'aala-Anhu Bole, Aye Umar! Yeh Khwab Ka Wakiya Aapko Kaise Malum Hogaya ?

Hazrat Umar Ne Farmaya, Aye Ali! Banda Momin Noor-A-Imaan Se Sab Kuch Dekh Leta Hain!

(Nujjahtul Majalis, Jild-2, Pg-157)

SABAK:-

Jis Musalle Per Hazrat Ali Ne Huzoor SALLALLAHU-TA'AALA-ALAIHI-WASALLAM Ko Khwab May Namaz Padhte Dekha Usi Musalle Per Hazrat Farook-A-Aazam Ne Jaagte May Namaz Padhte Dekh Liya! Goya Farook-A-Aazam Huzoor SALLALLAHU-TA'AALA-ALAIhI-WASALLAM Ke Sacche Jaanasheen Hain!
Yeh Bhi Malum Hua Ki Momin Ki Nazar Se Koi Baat Chupi Nahi Rehti! Fir Jo Bargah-A-Imaan Huzoor SALLALLAHU-TA'AALA-ALAIHI-WASALLAM Ke Mutaallik Yun Kahe Ki Unko Deewar Ke Piche Ki Bhi Khaber Na Thi, Wo Kis Qadr Be-Khaber Aur Be-Ilm Hain?

Post a Comment

[blogger][disqus][facebook]

Author Name

Contact Form

Name

Email *

Message *

Powered by Blogger.