Bani Israyil May Ek Shaks Tha Jiske Zyada Gunah Aur Fitna Wa Fasad Ki Wajah se Use Bani Israyil Ka Khali-a Kaha Jata Tha, Yani Jiske Mayine Hain Apne Gunahon Se Bani Israyil Ko Majboor Karne Wala!
Ek Martaba Uska Aise Insaan Se Guzar Hua Jise Bani Israyil Ka Aabid Kaha Jata Tha, Aabid Ke Sir Per Baadal Ka Tukda Saaya Kiye Hue Tha, Jab Us Gunahgar Ne Aabid Ko Dekha To Uske Dil May Khayaal Aaya Ki Main Bani Israyil Ka Badh-Bakht Tarin Aadmi Hoon Aur Yeh Bani Israyil Ka Aabid Hain, Agar Main Iske Paas Baith Jaoun To Shayad ALLAH-TA'AALA Mujhper Bhi Rahem Kerde!
Chunanche, Wo Aabid Ke Paas Jaker Baith Gaya, Aabid Ke Dil May Khayaal Aaya Ki Main Bani Israyil Ka Aabid Hoon, Aur Yeh Bani Israyil Ka Badh-Bakht Aadmi Hain, Yeh Mere Sath Kaise Baithega! Use Bahot Sharm Mehsoos Hui Aur Us Badh-Bakht Se Kaha, Yahan Se Uth Jao!
Us Waqt ALLAH-TA'AALA Ne Bani Israyil Ke Us Zamane Ke Nabi Per "WAHI" Farmayi Ki In Dono Ko Naye Sire Se Ibadat Shuru Karne Ka Hukm Dijiye, Kyonki Maine Badh-Bakht Ko Baksh Diya Hain Aur Aabid Ke Aamaal Ko Barbaad Kar diya Hain!
Dusri Riwayat May Hain Ki Baadal Ka Tukda Aabid Ke Sir Se Hatker Badh-Bakht Ke Sir Per Saaya Fhagan Hogaya! Yeh Baat Tumper Is Haqiqat Ko Acchi Tarah Waazeh Kar degi Ki ALLAH-TA'ALA Bandon Ke Dilon Ko Dekhta Hain!
(Mukashfatul Kulub, Pg-362-363)
Related Post:
- Allah ke Diye hue Rizq par Qina’at Kijiye | Hadith
- Aamaal Ke Sawaab Ka Daromadar Niyato Par
- Mojza E Rasool ﷺ | Zamin Se Pani Ka Chasma Nikalna
- Akhlaq Azeema - अखलाक अज़ीमा | Akhlaq E Rasool ﷺ
- Jung E Badr Ka Waqia | Mojza E Rasool